وها نحن بصدد اخر صيحه
من صيحات الاعلانات المبوبه
وليس من وحي الخيال
اعلانات الزواج في الصحف والمجلات
والظاهره تزداد يوما بعد يوم
اهذا هوا الزواج القائم على الموده والرحمه
والحب !!
اهذا الزواج هوا الذي يصنع الاجيال القادمه
اهذه المواصفات هي مواصفات عريس وعروس المستقبل
فبعد كل هذا وذاك قررت كتابة اعلان
بطريقتي الخاصه
واليكم نص الاعلان
والعروسه للعريس والجري للمتاعيس
أنا شاب عربي مسلم عمري 36 سنه
اقدس الحياه الزوجيه ابحث عن فتاه
بقصد الزواج
(كذاب في اصل وشه)
نيجي بقه للمواصفات المطلوبه . .
لايهم الشكل,والعمر من 30 الى 100 ميضرش ,
ولا يهم لو كانت حوله اوعوره
او بها اي اعاقه صحيه تمنعها من الزواج
(الله يخرب بيتك اومال حتتجوزها ليه )؟؟
ولا تهم الديانه فلو مسيحيه اوك
ولو قبطيه معلش ولو يهوديه ميضرش
ولو ملهاش ديانه ماشي
ولو مسلمة زيي خير وبركه
المهم تكون ميسورة الحـااال
وتحمل جنسيه اروبيه امريكيه
اي جنسيه والسلام المهم متبقاش عربيه.
العنوان ,
شباب من الوطن العربي.. يخساره على الرجاله
........................
انا شابه عربيه مسلمة ابلغ من العمر .....
وله بلاش خليها بعدين المهم
اقدس الحياه الزوجيه جدا جدا وست بيت ممتازة
(كدابه في اصل وشها)
وبحب بضمير ومبطلعش اسرار بيتي بره البيت
(صادقه بتخرجها من البلكونه بس)
ولهلوبه وبسمع الكلام واصيله وبصبر على جوزي
(وبخلعه في المحكمة)
ورضا جوزي عندي بالدنيا ,نيجي بقه للمواصفات المطلوبه
عاوزاه جنتل مان من الدرجه المليون
وثروته متقلش عن تلاتين تلاف مليون دولار
وميقوليش رايحه فين وجايه منين
(اصله جوز الجيران ميصحش ,
ازاي يسالها هوا كان جوزها)
وعمره مش مهم وميبقاش اسمر ولا بيض
وميبقاش طويل ومش قصير
ويفضل ميبقاش رفيع وياريت ميكونش تخين
ويبقى شعره بني وحواجبه حمرا
وياريت العصمة تبقى في ايدي.
العنوان ,
بنات عائلات محترمات من الوطن العربي
ذوي انوثه وتربيه و فضيله
ليست هناك تعليقات:
إرسال تعليق